Governu nova zelândia kontinua suporta ba iha área edukasaun, fó bolsu estudu ba timoroan sira, diversifikasaun ekonomika iha agrikultura, turizmu no segurnasa nian.
Embaixadór nova zelândia iha Timor-Leste, Philip Hewitt, hatete, enkontru ho primeiru ministreu, Kay Rala Xanana Gusmão, hodi ko'alia kona-ba apoiu governu nova zelândia nian ba iha Timor-Leste.
"Ami ko'alia kona-ba ami nia parseiru no apoiu husi nova zelândia nian, no nova zelândia suporta Timor-Leste iha Edukasaun, elezivel educations, no escolarship, no ami mos suporta iha diversifikasaun ekonomika iha Agrikultura, ami suporta CICT ho kafé, vanilla, pimenta no cacao. ami mós suporta iha autoridade segurnasa ba iha komunidade no turzimu nian", dehan nia iha palásiu governu, tersa (3/10).
Tanba primeiru ministru Kay Rala Xanana Gusmão mós introdus ona prioridade governu nian, nune’e iha ona konkordansia katak, nova zelândia sei aliña ba prioridade Timor-Leste nian, no sei halo kordensaun ho ministeriu sira atu suporta fundus ba iha Timor-Leste kada tinan tolu.
"Kada tinan tolu ne'e ami suporta no apoiu fundus ba Timor-Leste ho total US$ 45 millaun", dehan nia.
Durante ne'e, governu nova zelândia fó ona bolsu estudu ba timoroan hamutuk 1,300, no tinan oin sei kontinua fó bolsu estudu ba ba ema na’in-12. (*)