“Programa HANDSII bá edukasaun pre eskolár ne'e atu dezenvolve labarik sira-nia kapasidade maske ema barak hanoin edukasaun pre-eskolár ne'e la importante, maibé bainhira haree didi'ak edukasaun pre-eskolár ne'e mak sai fundasaun bá edukasaun hotu iha mundu”, dehan Armindo Maia iha Salaun enkontru MEJD, Vilaverde, kinta (08/07).

Dezde inisiu bainhira Governu Nova Zelándia hakarak hadia edukasaun pre-eskolár ihaTimor-Leste, Tanba MEJD prontu apoiu programa ne'e hodi bele dezenvolve labarik Timoroan atu prepara bá futuru.

"Ita-nia kondisaun edukasaun pre-eskolår iha territóriu nasionál hamosu dezafiu boot bá labarik sira iha munisípiu, dala barak, labarik sira tenke lao ain kuaze kilómetru lima (5) atu hetan matenek, labarik sira hakarak bá eskola maibé kondisaun mak la permite”, afirma nia.

Iha fatin hanesan Embaixadór Nova Zelándia, Philip Hewitt, konsidera programa HANDS hanesan investimentu boot Governu Nova Zelándia nian no ida ne’e priviléju boot ida atu hasa'e kapasidade no abilidade labarik sira-nian iha edukasaun pre-eskolár.

"Ami sente priviléjiu boot tanba bele kontinua programa HANDS-2 ne'e hodi hasa'e kapasidade no koñesimentu estudante pre-eskolár sira iha Timor-Leste. Ha'u hein ita bele servisu hamutuk hodi hadi'a kualidade edukasaun iha TL”, dehan nia. (*)