Diretór Jerál Administrasaun no Finansas SEFOPE, Aniceto Leto Soro ne'ebé akompaña husi Adidu Traballu Timor-Leste nian ba Austrália, Antonio Armindo, Tersa (10/09/19) informa kestau ne'e, hafoin enkontru ho empregadór husi Tazmânia, Austrália iha edifisiu SEFOPE Kaikoli, Dili.
“Hahú aban (Kuarta 11 Setembru 2019) sira sei hala’o teste ba kandidatu traballadór 500, ne’ebé liu ona teste iha munisípiu ba programa SWP. Husi traballadór 500 ne’e, 340 mak sei ba uluk servisu iha Austrália,” hatete Aniceto Leto Soro.
Nia dehan, iha enkontru ne’e mós sira ko’alia kona-ba oinsá mekanizmu atu bele hadi’a prosedimentu balun, ho nune’e ba oin bele garantia rekrutamentu ne’ebé transparansia no akuntabilidade.
Iha sorin seluk, ba tempotimor.com Adidu Traballu Timor-Leste ba Austrália, Antonio Armindo hatete, traballadór sira tenki iha koñesimentu lian ingles uitoan. Hodi nune’e, sira bele halo servisu iha rai liur. Liuliu hanesan iha Austrália.