Objetivu husi formasaun ne’e atu bele fó hanoin ba kandidatu traballadór sira kona-ba osan ne’ebé sira hetan iha Austrália, fila mai bele iha planu hodi harii negósiu ruma, atu sustenta ba sira-nia moris lorloron nian. Tanba, dala barak traballadór sira fila mai osan iha maibé la halo buat ida.
Entretantu, Efipanio Peloi nu'udar kandidatu traballadór agradese ba SEFOPE no banku Austrália ho Nova Zelandia (ANZ), ne’ebé bele servisu hamutuk hodi fó formasaun ba sira, oinsá bainhira fila mai bele uza osan ne’e ho didiak.
Efipanio dehan, nia iha esperansa boot, bainhira fila mai Timor-Leste bele implementa matenek ne’ebé sira hetan iha ema-nia rain,ho nune’e bele loke mós kampu traballu ba joven sira, maske ho númeru ne’ebé kiik.