“Ami mai hasoru Primeiru Ministru ko’alia liu Kona-ba servisu ne’ebé ANZ hala’o ona iha Timor-Leste atubele suporta dezenvolvimentu no ekonomia”, informa Bernadette hafoin ekontru ho PM Xanana iha Palásiu Governu, Dili.
Banku ANZ hari’i iha tinan 2001 too agora hala’o investimentu iha setór finanseiru nian hodi fó kréditu ba Timoroan sira inklui setór privadu nasionál no internasionál hodi loke investimentu área oin-oin iha Timor-Leste.
“Ami kontinua apoiu setor privadu no timoroan sira ne’ebé loke investimentu hetan kréditu husi ANZ”, hatete nia.
Durante enkontru, PM Xanana kongratula no dezeja susesu ba Banku ANZ atu kontinua suporta ekonomia no dezenvolvimentu Timor-Leste liliu apoia finanseiru ba timoroan sira ne’ebé hakarak asesu ba kreditu.
ANZ kontinua suporta mós formasaun ba Timoroan sira iha área finanseiru no banakaria nian hodi servisu iha instituisaun estadu no fatin seluk tan. (*)