Hanoin Aat Ba Soberania, F-FDTL no PNTL Prontu Fakar Raan

Konferensia Imprensa konjunta F-FDTL ho PNTL iha kuartel F-FDTL Fatuhada Dili (23/01) Konferensia Imprensa konjunta F-FDTL ho PNTL iha kuartel F-FDTL Fatuhada Dili (23/01) Foto Suplai

Tempotimor (Dili) - Relasiona ho situsaun ne'ebé la'o daudaun iha rai laran, Xefe Estadu Maiór F-FDTL, Majór Jenerál Lere Anan Timur,  husu ba povu tomak atu tuur hakmatek hodi halo ida-idak nia atividade.


Nia dehan, bainhira iha ema ruma maka hanoin atu kria instabilidade iha situasaun ne'e hodi hatún soberania TL, maka F-FDTL no PNTL prontu atu fakar raan.

"Instituisaun F-FDTL no PNTL hatuur iha Konstituisaun RDTL katak, atu defende soberania nasaun, sé mak hakarak instabiliza no atu hamonu soberania ami sei la hatún kilat no ami prontu fakar raan dala ida tan", dehan Lere, iha Kuartel Jerál F-FDTL, Fatuhada, Kinta (23/1).

Lere afirma, nasaun ukun-aan dala ida la'ós dala rua. Tanba ne'e, mak instituisaun F-FDTL no PNTL prontu kaer metin nafatin soberania nasionál.

Nia dehan, situasaun ohin loron mosu iha rai laran tau emperigu soberania nasionál, maibé lakohi ema bolu Estadu falladu.

Ita mos lakohi ema sorin-sorin tau ibun ba ita, ate ema balu dehan, "imi sidauk prontu ukun-aan nusa ansi". Ita antesipa ho buat hirak ne'e", tenik Lere. (*)

Rate this item
(19 votes)
Last modified on Thursday, 23 January 2020 12:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com