Olinda: Xanana ho Lú Olo Kontaktu-Malu Hela

Deputada bankada KHUNTO, Olinda Guterres iha plenaria Parlamentu Nasional Deputada bankada KHUNTO, Olinda Guterres iha plenaria Parlamentu Nasional Foto arkivu

Tempotimor (Dili) - Deputada Bankada Partidu Klibur Haburas Unidade Nasionál Timor Oan (KHUNTO), Olinda Guterres, fiar katak lider istóriku sira sempre kontaktu-malu bainhira mosu problema iha rai-laran.

Tuir nia, Prezidente Partidu Congresso Nacional Reconstrução Timor-Leste (CNRT), Kay Rala Xanana Gusmao ho Prezidente Repúblika, Francisco Guterres Lú Olo, kontaktu-malu hela relasiona ho impase polítika ne'ebe la'o hela iha rai-laran.

"Ema veteranu nunka atu so'e-malu. Sira-nia kontaktu la'o hela. Ha'u-nia esperansa katak loron ida-rua sira sei hamutuk", dehan Olinda, Parlamentu Nasionál, Tersa (11/2).

Deputada ne'e afirma, Maski eis-primeiru ministru, Kay Rala Xanana Gusmao, la marka prezensa iha diálogu entre lider nasionál sira, maibé kontaktu kontinua la'o hodi hakotu impase polítika.

Nia akresenta, lider nasionál sira nunka so'e malu iha situasaun difisil. Tanba ne'e,  fiar katak impase polítika sei rezolve iha tempu badak. (*)

Rate this item
(1 Vote)
Last modified on Tuesday, 11 February 2020 16:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.