Xanana Lidera Koligasaun Foun Hasoru PR Lú Olo Featured

Xanana Lidera Koligasaun Foun Hasoru PR Lú Olo Foto Facebook.

Tempotimor (Dili) - Partidu Koligasaun foun hasoru Prezidente Repúblika ne'ebé lideradu husi Prezidente Partidu Congresso Nacional Reconstrução Timor-Leste (CNRT), Kay Rala Xanana Gusmão.

Koligasaun foun ne'ebé forma husi Partidu CNRT, PD, KHUNTO, PUDD, Frente-Mudansa no UDT hasoru Prezidente Repúblika, Francisco Guterres Lú Olo, hafoin asina ata koligasaun, iha Sábadu (24/2).

Marka prezensa iha enkontru maka Prezidente CNRT Xanana Gusmão, Prezidente PD, Mariano Assanami Sabino, Sekretáriu Jerál PD, Antonio da Conseição, Prezidente PUDD, Antonio Benevides, UDT reprezenta husi Rodolfo Aparicio Guterres, Prezidente KHUNTO Armanda Berta no Frente-Mudansa reprezenta husi Egidio de Jesus.

Kolegasaun foun too iha Palácio Prezidensiál Nicolau Lobato, Bairru-Pité, tuku 09:00 no hahú enkontru iha tuku 09:32.

Entertantu, partidu sira ne'ebé kompostu hamutuk iha kolegasaun foun hamutuk 6 no deputadu 34 iha Parlamentu Nasionál.

Antes ne'e, Primeiru Ministru, Taur Matan Ruak, ofisialmente hatama karta demisaun ba Prezidente Repúblika, Francisco Guterres Lú Olo, foin lalais ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.