Login to your account

Username *
Password *
Remember Me

Embaixadór TL ba Filipina Pozitivu Covid-19

Sekretariu Jeral, Jorge Trindade Camoes Sekretariu Jeral, Jorge Trindade Camoes Foto Facebook

Tempotimor (Dili)-Sekretariu Jeral Ministériu Negosiu Estranjeiru no Kooperasaun Jorge Camões informa, diplomata Timor-Leste ida ne'ebé daudauk ne'e hala'o serbisu iha Filipina pozitivu Corona Virus Deasses 2019 (Covid-19).

Sekjer MNEK ne'e dehan, diplomata TL ne'e daudauk ne'e hala'o hela tratamentu intensivu iha fatin izolamentu.

"Ha'u lakohi temi naran see-see, maibé ha'u bele dehan katak iha ita-nia diplomata ida afetadu duni ona Covid-19, maibé nia kondisaun di'ak hela no dadaun ne’e halo hela tratamentu intensivu iha sala izolamentu," dehan Jorge ba www.tempotimor.com, Segunda (30/03).

Nia hatete, MNEK halo kordenasaun nafatin ho embaixada TL iha Filipina no parte relevante sira iha nasaun refere.

"Ita-nia embaixada halo kontaktu, nune'e ita-nia embaixadór ne'e kondisaun estavel hela, maibé presiza deskansa tanba ita hatene moras ne'e seriu uitoan," dehan nia.

Hatan kona-ba familia husi embaixadór ne'e karik tama iha kuarentena, Jorge dehan, diplomata ne'e nia familia halo auto-kuarentena.

"La’e, dadaun ne’e sira hotu-hotu iha auto-kuarentena iha sira-nia fatin rasik hodi halo observasaun hela. Se enkuandu iha sintomas ruma mak sei toma medidas. Maibé ate agora grasa a Deus ema sira ne'ebé besik maluk mak afeitadu ne'e ho kondisaun di'ak hotu," dehan nia.

Tuir dadus ne’ebe fo sai husi departamentu Saude Filipina kazu pandemia Covid-19 konfirmadu pozitivu hamutuk 1,546, ema ne’ebe konsege rekopera 42 no mate hamutuk 78.

Rate this item
(5 votes)
Last modified on Thursday, 02 April 2020 20:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter