Ohin Governu Tetu Estensaun Estadu Emerjénsia

By Tempo Timor April 17, 2020 2419

font size decrease font size increase font size
Print
Email

Primeiru Ministru Taur Matan Ruak, ko'alia ba jornalista sira hafpoin hasoru malu ho Prezidente da republika, Dr. Francisco Guterres Lu Olo iha palasiu prezidensial iha sexta (17/4) Foto Midia PR

Tempotimor (Dili) - Governu Timor-Leste liuhusi reuniaun komisaun inter-ministeriál ba jestaun krize sei tetu fali estensaun ba Estadu Emerjénsia, ne'ebé sei termina iha 26 Abríl 2020.

"Orsida lokraik ami iha reuniaun komisaun inter-ministeriál kona-ba jestaun krize sei haree posibilidade estensaun ka lae," dehan PM Taur Matan Ruak, iha Palásiu Prezidensiál Bairru-Pité, Sesta (17/4).

Entretantu, ajenda ne'ebé tempotimor.com asesu katak, iha Sesta (17/4), tuku 15:00 komisaun inter-ministeriál sei hala'o enkontru iha Ministériu Finansas (MF) Ai-Tarak Laran.

"Óras 15:00, Primeiru Ministru, Taur Matan Ruak, prezide reuniaun ho membru komisaun inter-ministeriál kona-ba koordenasaun implementasaun ba medida prevensaun no kontrolu ba Covid-19," hateten iha ajenda ne'ebé www.tempotimor.com asesu.

Estadu Emerjénsia iha Timor-Leste implementa ona dezde 28 Marsu no sei termina iha 26 Abríl 2020.

Antes ne’e Sentru Integradu Jestaun Krize husu atu implementa Lock Down nune’e evita propagasaun Covid 19 iha teritoriu nasional. (*)

Rate this item

(0 votes)

« Sidadaun 41 iha Kuarentena Otél Lesidere Hakarak Fila Ba Uma Timoroan Iha Hotel Lecidere La Koopera Ho SIJK Atu Muda Ba Kuarentena Tasi Tolu »

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com