"Ema sira ne'ebé pozitivu ba covid-19 ne'e maiória feto, kompara ho mane, tanba feto na'in 12 mane na'in 6, inklui mós sidadaun europeu ne'ebé rekupera ona," dehan Rui Maria de Araujo, iha Sentru Konvensaun Dili (CCD), Sábadu (18/4).
Nune'e, husi pasiente sira ne'e maioria la hatudu sintoma moras Covid-19 nian, maibe iha teste laboratóriu hatudu pozitivu.
"Ita-nia kazu pozitivu na'in 18 ne'ebé iha ne'e 83% mak laiha sintoma, maibé 17% iha sintoma", dehan Rui.
Entretantu doutór mós esplika iha nia aprezentasaun katak, sidadaun sira ne'ebé halo ona teste ne'e hamutuk 236 kompostu husi mane 158 no feto 78. Negativu 195 kompostu husi mane 137 no feto 58, provavél na'in 4 kompostu husi mane 2 no feto 2, hein rezultadu 19 kompostu husi mane 13, feto 6, neebe ho rezultadu pozitivu mak 18 kompostu husi mane 6 no feto 12.
Entretantu sidadaun na'in haat ne'ebé tama iha provavel tanba halo teste ba SARS-CoV 2 iha parte RNA E-gene ne'e deteta pozitivu, maibé iha parte RdRp-gene ne'e negativu. (*)