Nune’e mos Deputadu bankada KHUNTO Luir Roberto hatete, presiza afavor ba proposta husi prezidente hodi extende Estadu Emergensia, tanba numeru moras Corona Virus Disease 2019 (Covid-19) kontinua aumenta.

"Ba hau pesoal no Bankada KHUNTO nia hare presiza extende, tanba iha numeru moras ne'e mais aumenta, signifika katak ita sempre afavor ba Estadu Emergensia bainhira kuandu extende", dehan Nia iha resintu parlamentu nasional, kinta (23/4).

Entertantu pedidu husi Prezidente Republika atu extende Estadu Emergensia ne'e tama ona iha parlamentu nasional, nune'e sei tau iha azenda hodi halo diskusaun.

"Ami husi parlamentu nasional simu ona karta husi Prezidente Republika kona-ba atu extende tan Estadu Emergensia, tanba ne'e ohin dader ami meza parlamentu halo ona enkontru ida atu bele distribui ba iha deputadu sira hotu kada bankada iha parlamentu ida ne'e, hodi bele sira iha intendementu ba iha karta refere", tenik Nia 

Vise Prezidente Parlamentu ne'e hatutan, "Aban sei iha enkontru ida ho lider bankada sira atu tau ba azenda hodi halo diskusaun par aumenta Estadu Emergensia ou lae, plenaria mak desidi."

Nia relata, Pedidu extensaun ba Estadu Emergensia ne'e sei komesa husi dia 27 Fulan abril to'o ba iha 26 Fulan maiu.