Maijor Jeneral Lere konsiente katak, daudauk ne'e mosu boatus oioin relasiona ho situasaun politika rai laran.
"Prevensaun ida Dili ne'e la'os prevensaun Covid-19, maibé prevensaun ba situasaun polítika ne'ebé ohin loron ita rona boatus oioin katak halo golpe militar, dehan F-FDTL nia ofisial balun halo ida ne'e, halo ida ne'ebá," dehan Lere iha Palásiu Prezidensiál Bairu-pite Dili, Kuarta (29/04).
VIDEO PUBLISIDADE APELU HUSI PM TAUR APLAUS BA FRONT LINE
Nu'udar militar, Lere hatete, tenke halo prevensaun ba situasaun ida ne'e no hein katak sei la akontese.
Lere apela mós ba Timor-oan tomak atu labele lansa boatus no promete sei buka tuir see mak lansa boatus refere.
"Ami sei buka tuir see mak lansa boatus ne'e, tanba ohin loron ita sente atrapalladu, ita buka tuir, mais afinal buat ne'e laiha, entaun sira-nia hakarak mak dezakredita governu inklui dezakredita ita-nia nia lider sira," dehan nia. (*)