"Atu lori Prezidente Repúblika ba Tribunál ha'u-nia hanoin konforme partidu sira halo rekursu ho ninia advogadu sira tenke buka dalan oinsá, mas tuir dalan legál maka bainhira atu lori Prezidente Repúblika ba Tribunál Rekursu tenke hetan aprovasaun husi deputadu sira iha Parlamentu Nasionál", dehan nia, via telfone, Sábadu (2/5).
Maski nune'e, bainhira partidu sira seluk hanesan FRETILIN, PLP no KHUNTO konsege halo aliansa hamutuk maka pedidu ne'e sei la pasa iha PN, tanba partidu tolu ne'e hamutuk hetan kadeira maioria kontra minoria.
VIDEO PUBLISIDADE APELU HUSI PM TAUR APLAUS BA FRONT LINE
"Se hanesan ne'e agora daudauk atu governu unidade nasionál FRETELIN, PLP no KHUNTO iha kadeira 36, entaun rekursu ne'e bele mout iha Parlamentu Nasionál la konsege to'o tan iha Tribunál Rekursu", tenik nia.
Maibé see karik maka partidu CNRT hakarak lori diretamente ba Tribunál Rekursu ne'e konforme advogadu partidu nian atu haree posibilidade sira ne'e.
"Kuandu rekursu ne'ebé sira aprezenta Tribunál Rekursu haree katak Prezidente Repúblika komete duni erru balun maka tenke hetan aprovasaun husi Parlamentu Nasionál atu Prezidente ba tuir julgamentu iha Tribunál," tenik Adomando.
Maibé agora prosesu foin hahú, sira foin hato'o keixa no seidauk hatene desizaun Tribunál Rekursu nian katak Prezidente Repúblika komete duni erru ka lae. (*)
PUBLISIDADE