Tempotimor (Dili)- Falta Loron ida, tuir rejimentu Parlamentu Nasional artigu 16, pontu B numeru 2 ne'ebe dekreta obrigatoriamente Prezidente Parlamentu Nasional (PPN) tenke ajenda debate ba destituisaun Meza Parlamentu Nasional, PPN Arão Noé de Jesus da Costa Amaral ezije Prezidente Repúblika (PR) Francisco Guterres Lú-Olo halo nia knaar tuir artigu 86 Konstituisaun RDTL kona-ba disolve Parlamentu Nasional Timor Leste hodi hakat ba Elisaun Antisipada
"Parlamentu Nasionál hein hela desizaun husi Prezidente Repúblika tuir dalan konstitusionál, kona-ba PN La aprova orsamentu jeral estadu (OJE) 2020, atigu 86 alinea F ne'ebé ezije katak, iha ne'ebá mandatu sua eselénsia PR hodi deside liga ba asuntu ida ne'e," dehan PPN Arão Noé de Jesus da Costa Amaral liuhusi konferénsia imprensa ne'ebé hala'o iha salaun PPN nian, Segunda (11/05).
VIDEO PUBLISIDADE APELU HUSI PM TAUR APLAUS BA FRONT LINE
Nia afirma, Timor leste nu'udar estadu direitu demokrátiku, entaun hotu-hotu tenke kumpri lei.
"Timor-Leste hanesan Estadu Direitu Demokrétiku, mai ita hotu kumpri regras konstitusionais sira ho rigor, atu nune’e ita bele garante funsionamentu estadu ne’e tuir Konstituisaun no lei sira ne'ebé vigora daudaun," dehan Arão Noé.
Prezidente Parlamentu Nasional ne'eba mai husi Partidu CNRT, iha ne'ebe hari'i ona koligasaun AMP foun ho partidu sira seluk maibe naksobu wainhira KHUNTO deklara apoia fila fali Primeiru Ministru taur matan Ruak.
PUBLISIDADE
PUBLISIDADE