Deputada Olinda Aprezenta Ona Keixa Kontra Fernanda Lay

Deputada husi KHUNTO Olinda Guterres vs Deputada husi CNRT, Fernanda Lay iha PN to'o keixa malu Deputada husi KHUNTO Olinda Guterres vs Deputada husi CNRT, Fernanda Lay iha PN to'o keixa malu Foto Suplai

Tempotimor (Dili)-Deputada Banakada KHUNTO Olinda Guterres iha Kuarta (08/07) aprezenta keixa ba Ministériu Publiku (MP) kontra agresaun fiziku husi deputada  bankada CNRT Maria Fernanda Lay.

Depuada Olinda Guteres hatete, keixa ida ne'e entrega ona ba ninia advogadu privadu hodi hato'o  ba  MP.

"Ohin ha’u ho ha’u-nia bankada prepara tiha ona keixa no fó tiha ona ba ha’u-nia advogadu no ohin aprezenta ona ba Ministériu Publiku par atu prosesa deputada  Fernanda  ne'ebé momentu halo asaun hasoru ha’u iha plenaria,” informa deputada Olinda iha Parlamentu Nasional, Kuarta (08/07).

Olinda dehan, nia hato’o keixa ba MP tanba la simu deputada Fernanda Lay ne’ebé ezije atu nia husu deskulpa.

Olinda dehan, nia sei la husu deskulpa ba deputada Fernanda maibé hein de’it desizaun tribunal.

“Kuandu tribunal deside dehan ha’u mak sala, ha’u foin husu deskulpa ba deputada Fernanda,” dehan nia.

Hatan ba kestaun ne'e deputada bankada CNRT Fernanda Lay deklara, nia parte prontu hein bainhira simu notifikasaun hodi hataan kona-ba kazu ida ne'e.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.