FONGTIL Mobiliza Massa Husi Munisípiu Kontra Ministru Cárceres

Diretor Ezukutivu FONGTIL Daniel do Santos Carmo ko'alia ba jornalista sira hafoin partisipa iha aktividade manifestasun ne'ebe  hala'o husi FUTL iha Area  ministeriu Justisa nian , Tersa (4/8). Diretor Ezukutivu FONGTIL Daniel do Santos Carmo ko'alia ba jornalista sira hafoin partisipa iha aktividade manifestasun ne'ebe hala'o husi FUTL iha Area ministeriu Justisa nian , Tersa (4/8). Foto Tempo Timor

Tempotimor (Dili) - Forum Organizasun Noun Govermental Timor-Leste (FONGTIL) fo orientasaun ba membru sira iha munisípiu 12 inklui Rejiaun Administrativa Oekusi-Ambenu (RAEOA), atu mobiliza massa kontra Ministru Justisa, Manuel Cárceres, relasiona alterasuan kriminalizasaun Lei Difamasaun.


Diretór Ezekutivu FONGTIL, Daniel do Santos Carmo hatete, fó autorizasun ba membru sira hodi halo esplikasaun ba komunidade sira atu hamriik hamutuk kontra desizaun polítika Ministru Justisa.

Nia hatutan, Ministru Justisa kuandu la entende preokupasaun ne'e maka FONGTIL hamutuk ho estudante, inklui populasaun sei mantein halo manifestasaun to'o governu iha desizun ikus hapara lei ne'e.

"Ita hamriik hamutuk hodi kontra lei ne'e tanba ita hatene katak lei ne'e hamate liberdade povu hotu nian," dehan Daniel, ba jornalista sira hafoin partisipa iha atividade manifestasun, iha edifísiu Ministériu Justisa, Tersa (4/8).

Molok ne'e, Membru Parlamentu Nasionál mós hola parte hodi kontra Lei Difamasaun ne'ebé prepara husi Ministériu Justisa.

Deputadu sira ne'e maka Antonio Verdial, Mariano Assanami Sabino, Duarte Nunes, Carmelita Monis inklui Eis-Prezidente PN, Arão Noe Amaral. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.