Sekretáriu Estadu Ambiente Demétrio do Amaral de Sarmento hateten, daudaun ne'e iha loja no supermerkadu sira la uza ona plástiku, maibé uza de’it saku orgánika hanesan parte ida husi redús plástiku iha Timor-Leste.
"Ita nafatin halo kampaña ba polítika neutraliza plástiku. Timor-Leste hanesan nasaun neutru plástiku liuhusi promosaun resiklajen sira ne'ebé halo daudauk ona, produsaun ba pavin plástiku la’o hela no loja sira hahú uza ona saku orgánika," dehan nia, iha Parlamentu nasionál Dili, Tersa (11/08).
Situasaun ne’e, tuir Demétrio, hanesan parte vantajen ba Timor-Leste no mos iha ona tratamentu ba lixu plástiku, transforma plástiku ba pavin husi empreza ne'ebé servisu hamutuk ho Governu.
"Supermerkadu barak maka produs rasik no ita mós iha tempu hanesan iha ona dekretu lei kona-ba polítika zero plástika ne'e rasik," dehan nia.
SEA rasik más kontinua esforsu iha ámbitu prosesu promosaun 4R nian hanesan Redusaun lixu, Resiklajen, Re-utilizasaun lixu no Re-tornu ba lixu sira hanesan asegura esportasaun sukata sira ba rai-li’ur.
"Entaun Timor-Leste bele dehan ita aplika hela prinsípiu 4R. Parsialmente ita-nia fasilidade seidauk kompletu, maibé Ministériu Estatál liuhusi Munisípiu Dili halo ona prosesu hodi kontrata empreza tolu, rua rekolla lixu iha Dili laran, ida seluk halo tratamentu kontrolu iha área Tibar," dehan Demétrio.
Entretantu, tuir observasaun www.tempotimor.com