Deretòr Jerál Administrasaun Finansas, José Asa hatete, funsionariu kazual 240 ne'ebé hala'o serbisu tinan ida too tinan 12 liu, sei tuir teste hodi muda sira-nia estatutu.

Nia esplika, prosesu ida ne'e naruk tanba molok nee sira halo koordenasaun ho ministériu finansas oinsá atu muda sira nia saláriu husi kategória bem serbisu ba saláriu vensimentu, depois halo mós koordenasaun ho prezidente komisaun funsaun públika dala-rua, primeiru iha loron 20 de Janeiru, no foin dadaun iha dia 18 Agostu, sira halo koordenasaun tan.

"Tanba ne'e, ohin ami realiza enkontru ida ne'e oinsá atu implementa teste ba funsionáriu kazuais hamutuk 240 pesoas, no husi númeru ne'e, vaga ne'ebé ke ami prepara maka 127 vagas, komesa husi nível 1 to'o 5", hatete diretór jerál administrasaun finansas SEFOPE, José Asa ba jornalísta sira iha Kaikoli, Segunda (24/08).

Nia dehan, iha nível 1, sira presiza ema hamutuk na'in 2, iha nível 2 iha vaga 13, nível 3 iha 111 vagas, nível 4 gava hamutuk 11, no iha nível 5 ne'e loke vaga rua, ho vaga hamutuk 127 ba iha teste refere.

Nia esplika, nível 1 aplika ba sira neebé halao serbisu hanesan cleaner, nível 2 sei aplika ba motorista, 3 mak sira ne'ebé asisténsia ba administrasaun, iha nível 4 ba leten, mak sira ne'ebé téknika profesionál.

"Husi ema na'in 240 ne'e sei tuir hotu teste, depois iha rezultadu mak sei deside entre sé mak liu no la liu, maibé sira ne'ebé la liu, hamutuk 113 pesoas no ami sei planu ba iha 2022 hodi muda mós sira nia estatutu", tenik nia.

Iha fatin hanesan, Diretór Nasionál Rekursu Umanu SEFOPE, Carlito Rosărio Cabral hatutan, tesete refere sei bazeia ba regras maka tenke liuhosi teste eskríta, avaliasaun dezempeñu husi sira nia komportamentu, background edukasaun, nomós sira nia formasaun iha área oioin liga ho serbisu Sefope nian.

"Entaun rekezitus mak ida ne'e, ami sei haree buat sira ne'e hotu, depois maka sei fó valór ba sira para ou la passa", dehan nia.

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>