Uza Fotografia Xanana, Lere Husu Investiga Ángela

Fotografia Komandante ein xefe Kayrala Xanana Gusmão nian ne'ebé Ángela Freitas ho nia grupu RNDJ-KRDTL uza hodi halo polítika ba hatún Prezidente Repúblika (PR) Francisco Guterres Lú-Olo. Fotografia Komandante ein xefe Kayrala Xanana Gusmão nian ne'ebé Ángela Freitas ho nia grupu RNDJ-KRDTL uza hodi halo polítika ba hatún Prezidente Repúblika (PR) Francisco Guterres Lú-Olo. Foto Tempo Timor

Tempotimor (Dili)-Xefe estadu maiór F-FDTL Maijór Jenerál Lere Anan Timur husu invetigasaun hasoru Ángela Freitas tanba uza fotografia Kayrala Xanana Gusmão nian ne'ebé laiha autorizasaun.

Tuir Jenerál Lere katak tenke halo investigasaun ba Ángela Freitas tanba uza lider Xanana nia fotografia iha banner Rezisténsia Nasionál Defende Justisa no K-RDTL nian ne'ebé sein hetan autorizasaun husi na'in ba fotografia.

"Ángela uza Xanana nia foto hodi taka tun-sa'e iha didi lolon sira hodi hakerek komandante ein xefe Kayrala Xanana Gusmão, afinal hau-nia maun Xanana lahatene," dehan xefe estadu maiór F-FDTL Maijór Jenerál Lere Anan iha nia knaar fatin, Fatuhada Dili, Sesta (4/9).

Ho aktu Ángela nian ne'e, Lere husu parte kompetente atu halo investigasaun ba Ángela tanba uza komandante ein xefe Kayrala Xanana Gusmão nia foto arbiru.

"Ba ida ne'e, ha'u agora tenke husu investigasaun ba Ángela Freitas, tanba saida mak nia uma ema lider nasionál, lider karismátiku nia naran no fotografia atu halo polítiku," nia dehan.

Alende husi ne'e Jenerál Lere mós husu igreja atu hola médida hasoru amu sira ne'ebé involve direta iha manifestasaun ne'e.

"Bispu na'in tolu deklara katak, igreja la involve iha manifestasaun atu hatún PR Lú-Olo ne'e, mais agora, igreja Katólika sa médida mak sei toma ba padre sira ne'ebé involve diretamente ba demostrasaun ne'e," nia tenik.

Komandante ne'e afirma katak, igreja tenke hola médida, tanba instituisaun relijiozu atu sai kredivél iha Timor no mundu, tenke ko'alia mós ho amu sira ne'ebé involve direta iha manifestasaun ne'e. Tanba padre Maubere ne'e konfirmadu, ida seluk tan mak padre Martino.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks