Nia afirma, meza rahun ne'e hanesan asidente ne'ebé akontese iha V Lejizlatura no meza ne'e rahun tanba kontribuisaun husi deputadu sira nian, entaun meza ne’e tenke lori ba tau iha muzeu.

"Ita atu ko’alia konseitu ne'e presiza suporta ho dadus ida ne'e, agora meza ne'e la hatene sira tau iha ne'ebé," dehan, nia ba www.tempotimor.com ,iha nia servisu fatin, UNTL, Kaikoli, Segunda (7/9).

Atu labele lakon istória husi meza ne'e, nia prefere di'ak liu Parlamentu Nasionál tenke hatama meza aat ne'e iha muzeu. Nia esplika, bainhira ema atu ko’alia kona-ba meza prezidénsia rahun tenke hatudu evidénsia ne’e.

Molok ne'e, Prezidente Parlamentu Nasionál (PN), Aniceto Guterres lakohi fó sai paradeiru husi meza prezidénsia ne'ebé aat. Tanba, nia dehan, meza ne'e Parlamentu Nasionál rai nu’udar segredu ne'ebé labele fó sai ba públiku.

"Ida ne'e segredu, labele fo sai ba públiku", dehan nia. (*)