Nia dehan, iha tinan 2021 parte Sekretáriu Estadu Meiu Ambiente husu atu aloka OJE ho montante tokon $2.5, atu aumenta ba polítika zero plástiku, reflorestasaun no instala hamenus ahi suar.
"Ami hakarak se bele ultrapasa tokon $2.5, ne'e proridade ba tinan oin ninia", dehan Demetrio iha Akait, segunda (07/09).
Sekretariu Estadu Meiu Ambiente (SEA) hakarak aumenta tan orsamentu iha tinan 2021, tanba antes ne'e orsamentu ba tinan 2020 hamutuk tokon US$ 1.2.
"Ita uza sasukat husi Dotasaun Orsamentál Temporaria (DOT) ninian, se implementa di'ak ita husu aumenta, maibé dadaun ami fokus liu mak orsamentu 2021, orsamentu 2020 husi 2019 ami hetan tokon $1.2 no $1.3", nia esplika.
Nune'e, orsamentu hirak ne'e aloka ba área ambiente nian hanesan, kontrola poluisaun, alterasaun klimátika, konservasaun biodiversidade, no edukasaun ambientál. (*)