21 Setembru, Kandidatu Traballadór SWP Sei Tuir Teste Fizika

Ekipa Sekretária Estadu Formasaun Profesionál no Empregu (SEFOPE), hamutuk ho PNTL, ekipa Ministériu Saúde no CVTL halao hela abertura teste ba kandidatu traballadór Timoroan iha  programa sazonal, iha Akadémia Komor (17/09). Ekipa Sekretária Estadu Formasaun Profesionál no Empregu (SEFOPE), hamutuk ho PNTL, ekipa Ministériu Saúde no CVTL halao hela abertura teste ba kandidatu traballadór Timoroan iha programa sazonal, iha Akadémia Komor (17/09). Foto Tempo Timor

Tempotimor (Díli)-Iha Segunda (21/09) kandidatu trabaladór sira ba programa Seasonal Worker Program (SWP) na’in 13.174 husi Munisipiu Dili sei tuir teste fiziku ne’ebé organiza husi Sekretariu Estadu Formasaun Profisional no Empregu (SEFOPE).

Sekretariu Estadu Alarico do Rosario informa, iha tinan ida ne’e teste fiziku ba programa SWP sei hahú husi Dili.

"Kandidatu totál husi munisípiu Díli ne’ebé sei tuir selesaun iha dia 21 Setembru semana oin, hamutuk 13.174, kompostu husi feto na’in 5.068 no mane nain 8.106," informa Sekretaria Estadu Formasaun Profisionál no Empregu, Alarico iha akadémia PNTL Komoro, Kinta (17/09).

Tuir Alarico, selesaun ne’e nu’udar prosesu dahuluk ba traballadór sira atu hatene katak sira prontu duni ona ka lae atu hakat ba faze daruak ba teste lingua Ingles.

Nia hatutan, SEFOPE iha responsábilidade atu selesiona kandidatu traballadór Timor-oan sira ho kualidade iha sistéma baze dadus, no sei prepara kandidatu sira, enkuantu sei buka oportunidade traballau ba traballadór sazonál sira iha Australia.

Entretantu, teste fizíka ne'e rasik sei fó husi funsionáriu SEFOPE, PNTL, Ministériu Saúde, no CVTL durante loron 15 nia laran, hahú husi 21 Setembru no sei termina iha 7 Outubru 2020.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.