PM esplika, sira ne’ebé la apoiu ke’e rai kuak tanba bainhira nasaun laiha orsamentu, dezenvolvimentu sei hakdasak no povu sei moris susar.
Taur dehan, iha programa ida ne'e apela ba reformas ho funsaun primeiru efisiensia iha administrasaun publika, segundu garante sustentabilidade, triseiru hetan dezenvolvimentu ekilibradu ida, kuartu mak inkluzaun.
"Reforma sira ne'e so akontese, se ita-boot sira fó hotu apoiu, mais se ita-boot sira la fó apoiu, ha’u dehan hakarak ou lakohi ita rasik mak ke'e rai kuak ba ita-nia nasaun i nia sei hakoi an iha loron ida," dehan PM Taur iha diskusaun jeneralidade ba proposta OJE 2020 loron daruka iha PN, Sesta (02/09).
"Tanba ita nia pais ki'ak, maibé nia komportamentu hanesan riku i ema pais sira ne'ebé riku nia komportamentu sei ki'ak, ita haree esperensia ba embaixada sira iha Timor barak liu la selu, mas iha sira nia rain kobra ita maka’as," dehan Xefe Governu ne’e.