Planu RE, KHUNTO Konsidera Governu 'Inkapasidade'

Deputadu Khunto Luis Roberto ko'alia hela ho jornalista sira iha iha Parlamentu Nasionál (PN) iha tempu balun ba kotuk. Deputadu Khunto Luis Roberto ko'alia hela ho jornalista sira iha iha Parlamentu Nasionál (PN) iha tempu balun ba kotuk. Foto Tempo Timor

Tempotimor (Dili)-Polítika governu daualu nian ne'ebé sei rekoperasaun ekonomia rai laran liuhusi fó apoiu suplementu renumeratóriu ba agregadu familiar inklui sesta báziku, maka bankada Khunto iha Parlamentu Nasionál (PN) konsidera governu laiha kapasidade, tanba fahe fali osan no hahan ba povu.

Tuir deputadu Khunto Luis Roberto katak, planu rekuperasaun ekonomia ne'e tenke kria mak kampu seevisu hodi halibur ema hotu atu serbisu, la'ós fahe fali osan.

"Ita labele konsidera de'it katak governu fó ona hahan ka fahe osan dolar $200 ida ne'e mak rekuperasaun ekonómia ona, ne'e ha'u hanoin laloos nk ha'u la simu ida ne'e, se kria kampu de trabalhu, inklui joven sira no komunidade sira serbisu, ida ne'e maka rekuperasaun ekonomika," dehan nia iha plenária PN, Tersa (20/10).

Maske deputadu ne'e dehan, governu lahatene planu ba rekoperasaun ekonomia nian, maibé deputadu ne'e mós rekoiñese kresimentu ekonómika tuun.

"Durante ne'e kresimentu ekonómika tun ba bei-beik, tanba t Timor-Leste seidauk iha kampu fábrika ruma ka kria kampu servisu sira seluk ne'ebé atu fó serbisu ba Timoroan sira," nia dehan.

Entretantu atu solusiona kestaun ne'e, deputadu ne'e fó hanoin ba governu konstituisional daualu atu kria mak kampu serviau, nune'e kompleta planu rekuperasaun ekonómika ne'ebé governu planeia hela.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks