Deklarasaun ne'e nia hato'o ba www.tempotimor.com, hafoin partisipa iha selebrasaun aniversáriu feto ba dala-45 ne'ebé komemora iha resintu Parlamentu Nasionál (PN).
“Ba governu, haka'as aan atu fó nafatin opiniaun, hanoin, sosializa ba povu tomak katak violénsia hasoru feto ne'e, kríme ne'ebé la presiza tan akontese iha rai ida ne'e. Hanesan hau nia intervensaun iha Luro, ha'u dehan, hatete ba ita mane ida-idak nia aan katak, Lae Violénsia ba feto”, Francisco Jerónimo Martins hateten.
Tuir nia, violénsia ne'ebé dadaun akontese iha Raikotu, hanesan kríme ida no ema ida ne'ebé halo, tenke responsabiliza iha prosesu kriminál ba iha autoridade ne'ebé mak kompetente.
Kona-ba lei, nia dehan, ohin loron TL iha ona barak, apenas lei domestika, lei kona-ba kríme públiku, lei kódigu penál, no lei hotu-hotu neebé konsidera katak, hahalok sira ne'ebé halo ba feto iha kontestu violénsia doméstika nomós hamate ema nia vida, ne'e halo parte ba kríme.
“Kríme ne'ebé maka labele iha toleransia tan, tenke lori ba triunál hodi hetan pena ne'ebé maka tuir saida mak nia halo ne'e, no governu rasik, estadu tomak la tolera ema atu hasai ema seluk nia vida”, tenik nia.