Deputadu Antoninho ko’alia ne'e tanba nia hare katak, diskusaun Orsamentu Jerál Estadu (OJE) ne'ebé Parlamentu Nasionál halo ho governu, ida ne'e atu hadi’a de’it buat balun iha tinan oin, maibé la'ós atu hadi’a buat hotu-hotu.

Atu evita kritika hirak ne'e, mak nia husu ba meza PN atu labele hasai giaun mesak, maibé tenke dixiplina ba giaun hirak ne'ebé hetan ona aprovasaun husi lider bankada.

"Ha’u husu pontu de orden atu protesta meza, prezidente hatene giaun, prezidente halo nia giaun mesak, tanba ne'e mak ha’u nia orientasaun ohin atu fó ne'e, diak liu dixiplina giaun, labele prezidente hasai giaun mesak," Bianco hateten hodi protesta prezidente PN liu husi debate espesialidade OJE 2021 iha plenária PN, Kinta (10/12).

Nia defende tanba ministru ida foin tama, labele rezolve buat hotu ne'ebé atraza durante tinan 13 nian laran.

Nia hatutan, maski deputadu sira bele ejize, maibé tenke kompriende mós katak, osan ida ne'ebé tau dadauk iha OJE 2021, sei la rezolve buat hotu ne'ebé atraza desde tinan 2007 to'o mai 2020.

Nia husu Ministru Edukasun Juventude no Desportu (MEJD) atu hare buat ne'ebé mak nia bele halo iha tinan oin, no labele obriga aan atu rezolve problema hotu-hotu.

"tanba problema barak mak daudaun ne’e ministériu ne'e rezolve, hanesan selu ema nia saláriu sira ne'ebé iha atrazu laran," nia dehan. (*)