Meta Mali ko’alia asuntu ne’e liga ho kazu falsifikasaun dokumentu veteranu ne'ebé iha fulan Novembru 2020 Ministériu Públiku (MP) halo ona akuzasuan ba ema na'in hitu iha Bobonaru.

"Nu’udar Ministeriu kontribui ba justisa, di'ak ba ema hotu, justisa ba ema hotu, justisa la hili se! se mak viola se mak kontra, se mak halimar falsifikasaun tenki lori ba justisa. Ministru nu’udár autoriedade iha Ministeiru ida no sekretariu estadu la tolera se mak halimar buat ne’e," Meta Mali dekalara iha Palásiu Prezidensiál Bairru-pite, Tersa (15/12).

Nia mós dehan, la'ós komisaun omenajen mak inkapasidade, maibé individu balun servisu iha komisaun omenajen.

"Ha’u la dehan komisaun omenajen, komisaun omenajen ne’e hanesan órgaun ida no instituisaun ida, akumulasaun husi ema lubuk ne’ebé hala'o servisu, ne’ebé sé ita temi komisaun omenajen ekipa tomak iha ne’eba ne’e aat hotu ona, diak liu komisaun omenajen mak ba kadeia," nia dehan.

Governante ne'e dehan, karik pronunsia ne’e mak sala oituan, maibé individu balun lakeur aban bainrua bele temi mós iha Ministru Kombatente Libertasaun Nasional, mais sekarik la'ós ministru ho Sekretáriu estadu, mais individu no ema balun maka halimar foer.

"Maibé individu balun ne’ebé viola regra normas, hakarak halimar ho konstituisaun lei ne’e lei labele halimar, tenki lori ba. Bainhira individu balun ba tribunal tanba viola regra halo sasan ruma inkonstitusionál Ministeriu foti medidas kansela nia osan, ne’e mak ministru no sekretariu estadu nia asaun," nia dehan.

Jornalista husu duni kona-ba ema nain hira mak MAKLN no SEAKLN halo ona kanselamentu ba sira nia osan, maibé governante ne'e lakohi fó dadus. (*)