Iha loron 6 janeiru 2021, Bankada CNRT anunsia sira-nia pozisaun hodi hato'o pedidu fisklizasaun abstrata kona-ba Orsamentu Jerál Estadu (OJE) 2021 ba Tribunál Rekursu tanba konsidera artigu balun inkonstituisionál.

Ho preokusaun ne'e, iha loron 12 janeiru 2021, TR notifika Parlamentu Nasional durante loron 30, no ohin maka parlamentu nasional hafoin reafirma sira-nia pozisaun atu haruka karta resposta ba TR.

Tuir Prezidente PN Aniceto Guteres, daudaun finaliza ona karta resposta atu haruka ba Tribunal Rekursu tanba tempu prazu ne'ebe tribunal fo ba PN, hela de'it ohin ho aban de'it.

"Tempu prazu hotu iha aban, bele dehan katak últimu dia, entaun ohin ha'u tenke submete ona resposta ba tribunal," dehan nia iha Parlamentu Nasionál, kuarta (10/2).

Kona-ba oinsá Pozisaun PN ba pedidu fiskalizasaun abstrata ba OJE 2021 ne'e, nia parte rejeita atu fo komentariu, tanba konsidera kestaun ne'e Konfidensialidade, só tribunál mesak mak hatene.

"Agora kedas, hau haree hotu tiha haruka ona bá," dehan nia.(*)