Projetu Rezolusaun Governu tolu ne’ebé aprova ona husi Konsellu Ministru ne'e nomeia Abel da Conceição hanesan Administradór Munisipál Aileu, Leovigildo Amaral Pereira ba Administradór Munisipál Ainaro no Francisco de Andrade hanesan Administradór Munisipál Covalima.
"Sira na’in-tolu sei dezempeña kargu iha rejime komisaun servisu nian, ba períodu tinan lima," Ministru Prezidénsia Konsellu Ministru Fidelis Manuel Leite Magalhães, informa liuhusi konferénsia imprensa, hafoin reuniaun Konsellu Ministru iha Palásiu Governu, kuarta (10/02/21).
Projetu rezolusaun ne’ebé aprova ona husi Konsellu Ministru atu nomeia Administradór Munisipál tolu ne'e, aprezenta husi Ministru Administrasaun Estatal (MAE), Miguel Pereira de Carvalho.
Nune'e, sira na'in-tolu ne'e iha tempu tuir mai bele hetan pose hodi hala'o knar nu'udár Administradór Munisipál. (*)