Tuir informasaun ne'ebé Xefi estadu maior Falintil-FDTL, Maijor Jeneral Lere Anan Timur hateten, iha ema balun uluk lakohi ukun aan mos agora servisu iha instituisaun veteranus nian, maibe parte MAKLN la hatene, tanba la haree.
"Hau hanoin hau laharee, tanba ema iha ne'ebá ne'e funsionariu, ne'ebé hau laharee se mak involve no la involve, hau lahatene haree husi parte ne'ebé hau lahatene," dehan Meta Mali hafoin reuniaun Konsellu Ministru extraordinariu iha palásiu governu, sesta (19/02/21).
Durante nia asumi responsablidade nu'udar MAKLN hatene de'it mak funsionariu sira ne'ebé halo servisu, tanba ne'e bainhira Xefi Estadu Maior Jeneral Falintil-Forsa Defeza Timor-Leste (F-FDTL), Maijor Jeneral Lere Anan Timur deklara informasaun refere nia parte lahatene buat ida.
"Hau laharee ema individu balun ne'ebé halo krime iha funu-laran depois servisu iha ne'ebá, se loos, tuir Jeneral nia haree, mais hau laharee, labele hatete buat ida," dehan Meta Mali.
Antes ne'e, iha loron kuarta 27 fulan janeiru tinan 2021, Xefi estadu maior Falintil-FDTL, Major Jeneral Lere Anan Timur deklara atu veteranu sira dignifika no valoriza aan rasik inklui uza veteranu nia-oan rasik, tanba deskonfia iha instituisaun veteranus sira mosu funsionariu balun ne'ebé uluk lakohi Timor-Leste ukun rasik an.
"Veteranus nia oan barak s1, s2, sma, bele halo servisu ne'ebé ke, ha'u rona informasaun katak iha Ministeru Veteranus (MAKLN) ne'eba ne'e tau ema ne'ebe lakohi ukun aan, uluk óh* ema, uluk sunu uma tau iha ne'eba, dignidade veteranus la iha," informa Lere. (*)