Bisoi Ejize KAK Investiga Deputadu Ne'ebé Simu Tiha Perdiem Mas La ba Halo Fiskalizasaun

Plenaria Parlamentu Nasional Plenaria Parlamentu Nasional Foto Arkivu

Tempotimor (Dili)-Deputada Bankada Congresso Nacional de Reconstrução de Timorense (CNRT), Maria Rosa da Câmara "Bisoi" ejize Komisaun Antí Korupsaun (KAK) atu bele akompaña no haree deputadu sira ne'ebé simu tiha perdiem ikus mai la ba halo fiskalizasaun.

Nia ko'alia ne'e, tanba realidade hatudu ona, iha semana hirak ikus, Deputadu balun ho nian kondutór, husi Komisaun espesializada balun, ne'ebé simu tiha osan perdiem inklui kupon mina $ 100 dolar, maibé la ba servisu fiskalizasaun.

"Husu ba parlamentu ida ne'e no KAK atubele haree kona-ba komisaun espesializada hotu-hotu, deputadu sira, sé mak ba nia simu osan no asina, se mak la ba maka nia asina," dehan nia iha plenariu PN, tersa (02/02).

Nia husu kuandu iha futuru, bainhira haree deputadu komete simu perdiem la ba servisu tenke lori prosesu ne'e ba KAK atu investiga, tenke iha justisa, nune'e halo tratamentu ho igualdade.

Nia haktuir, kestaun perdiem ne'e tutela ba Parlamentu Nasionál nia kompeténsia.

"Laiha serventi, laiha kriadu, laiha mainatu, laiha mós patraun, ne'ebé ema kriadu ba servisu, sira seluk tuur simu de'it osan," dehan Bisoi.

Ne'e duni, agora ne'e tenke halo buat ne'ebé loloos, para deputadu bele hatene, tanba balun ba servisu nia hetan osan, balun la ba servisu mós hetan osan, ne'e lójika ka lae.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter