Governader Bancu Central Timor-Leste (BCTL), Abrão de Vasconselos, ohin rejeita pubiikasaun ida husi Dili Post sobre alegasaun ba asaun husi Banku Federal Rezerve Nova Iorke nian (sigla iha Ingles FRBNY) ne'e loos.
Públikasaun iha Dili Post OnLine ho baze afirmasaun husi reitor UNPAZ ne'ebe ho titulu “Banku Federal Amérika Rejeita Pedidu Levantamentu BCTL Dala Tolu" ne'ebé refere ba Reitór Universidade da Paz (UNPAZ), Adolmando Amaral, katak FRBNY rejeita dala tolu ona pedidu sira husi BCTL nian atu halo levantamentu hodi finansia Orsamentu Jerál Estádu nian ba tinan 2021.
Governadór Abrão hatete, Reitór, ne'ebé iha públikasaun nia refere ba fonte husi Banku Sentral nian ida, kompletamente laloos.
"Governadór sente hakfodak ho Reitór ida husi Universidade respeitavel ida iha Timor-Leste halo deklarasaun ida sein primeiru verifika uluk verasidade husi informasaun ne'e, liu-liu tanba, BCTL hasai ona Komunikadu ida iha loron 24 Fevereiru 2021 hodi rejeita informasaun sira ne'ebé sirkula iha momentu ne'ebá", haktuir iha komunikadu ne'ebé tempotimor asesu iha loron kinta (11/03/21).
Nune'e, Governadór informa, bazeia ba pedidu mai BCTL husi Ministru Finansa, FRBNY hala'o tiha-ona transferensia ho montante $200 millaun husi Fundu Petrolíferu ba Konta Jerál Estadu nian Ina loron 23 Fevereiru liubá. Alende ne'e, FRBNY mós transfere tiha ona osan ho montante totál $886.3 millaun husi konta Fundo Petrolíferu ba Konta Jerál Estádu nian durante tinan 2020.
Governadór hatete, nia Ia konsege intende didi'ak razaun tansa funsionáriu Banku Sentral nian ida hakarak fuga fali informasaun falsu hanesan ne'e.
Funsionáriu Banku Sentrál nian hotu sujetu ba Kodigu de-Konduta ida ne'ebé estritu tebes no, bazeia ba ninia esperiensia, BCTL laiha tradisaun atu divulga informasaun sira ne'ebé konsidera la'ós públiku.
Governadór mós akresenta, Lei organika BCTL nian kontên dispozisaun sira ne'ebé proibe funsionáriu atu divulga informasaun naun-públikas.
Governadór Abrão reitera fila-fali ninia deklarasaun públika liu-bá, katak Banku Federal Rezerve Nova lorke nian kontinua sai parseiru valiozu no konfiansa ida ne'ebé apoia ona BCTL iha jestaun konta Fundu Petrolíferu dezde inisiu iha tinan 2005. (*)
