Informasaun ne’e relata ba PM hanesan enkontru hodi aprezenta servisu semanal liuliu atividade ne’ebé mak la’o iha PN.

“Bainhira informa ba PM kona-ba servisu iha parlamentu, PM agradese barak tanba hahú ona halo atividade sira ne’e, hein katak nia rezultadu test ne’e bele hatudu buat ruma hodi ajuda Governu foti desizaun ho lolos hodi halo prevensaun jo di'ak”, dehan Francisco.

Iha sorumutu ne'e mós, PM fó orientasaun ba atu tau atensaun ba servisu mídia sira, nune'e bele hametin liután informasaun relasiona ho Covid-19 nian.

“Liuhusi orientasaun husi PM, ami sei ko'alia ho RTTL.ep hodi kria programa espesifiku atu foka liuba área Covid-19 nian, atu halo entrevista ho maluk sira ne’ebé mak uluk hetan ona Covid-19, hodi fó testemuña kona-ba moras ne'ebé sira hetan to'o rekopera, nune’e povu bele rona nomós akompaña situasaun sira ne’e hotu, ate ema hothotu hamutuk halo prevensaun”, dehan nia.

Maibé halo mós identifikasaun ba númeru jornalista ne’ebé hala’o kobertura kona-ba Covid-19 iha Sala Situasaun-Sentru Integradu Jestaun ba Krize nomós iha fatin seluk.(*)