Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete,bainhira deside loron sei informa ba jornalista sira hdi akompaña ekipa konjuntu realiza vizita ba izolamentu.
Loron ba vizita defini ona izolamentu hodi haree kondisaun pasiénte no fatin Izolamentu ne’ebé durante ne’e ema balun kestiona.
“Di’ak, depois ita kombina ida ne’e. Ita bele organiza visita ida ba fatin izolamentu ne’e”, dehan Rui liuhusi Zoom conference, domingu (28/03).
Iha loron segunda (29/03) ekipa mídia husi SIJK kontaktu jornalista husi mídia imprime, eletriniku no online inklui mós agência notisia iha Timor-Leste atubele hamutuk ho ekipa konjunta ba haree fatin izolamentu sira.
Dadaun ne’e jornalista sira ne’ebé destaka hodi halo kobertura ba pandemia Covid-19 iha SIJK preparadu hela iha Sentru Konvensaun Dili (CCD) hodi halo vijita ba izolamentu iha Díli laran.
Rui mós agradese ema hotu ne’ebé detetadu pozitivu, hafoin kolabora di’ak-tebes ho ekipa konjunta saúde, aseita ba izolamentu iha fatin ne’ebé Estadu determina.
Tanba hase’es-an husi ema ne’ebé seiduak hetan da’et virus ne’e, hodi nune’e ema hotu bele prevene, virus ne’e la da’et- belar liután iha cluster sira ne’ebé durante semana rua ikus ne’e la ativu ona.
Apela mós ba komunidade iha fatin ne’ebé, bainhira sidadaun sira rekuperadu no fila komunidade labele tauk tanba sira ne’ebé sai husi fatin izolamentu laiha ona risku atu hada’et-tutan virus ba ema seluk. (*)
