Hafoin simu vasinasaun, PM Taur hatete nia parte deside fó nia-an sai ema dahuluk simu vasina astrazaneca, tanba konsidera ema seidauk livre husi Covid-19.
"Ha’u oferese, ha’u-nia aan, sai primeira pesoál atu simu vasina”, dehan nia hafoin diskuru ba serimónia lansamentu vasinasaun AstraZeneca iha Bairo Formoza, kuarta (07/04).
Ho vasinasaun AstraZeneca, sai nu’udar loron espesial tebe-tebes ba Timor-Leste no mundu tomak, tanba foin primeiravez hetan vasina 20 pursentu ida ne’ebé oferese husi sistema Nasaun Unida nian.
Tanba ne e, bele ajuda Timor-Leste, atubele prevene covid-19, ekuantu hothotu seidauk livre husi moras refere, wainhira seidauk simu vasina.
“Hakarak livre husi covid-19 ida ne'e, dalan ida mak vasina”, dehan nia.
Ho ida ne'e, Taur garante Timor-Leste sei define ninia meta ida, molok remata tinan 2021, sidadaun hothotu bele simu ona vasinasauan ne'e.
Husu ba Prezidente Republika, karik la konsege simu vasina husi parte médiku sira, bele simu ikus liu atubele taka serimónia vasinasaun iha TL.
"Ha’u husu ba Prezidente Republika, karik mediku sira la autoriza Prezidente Republika atu simu karik, nia simu iha ikus liu, para taka, mais agora ha’u mak simu uluk”, haktuir nia.
Enkuantu Tuir onservasaun www.tempotimor.com iha terenu nota katak, vasina AstraZeneca ne’e oferese dahuluk ba Primeiru Ministru, Taur Matan Ruak, no daruak Prezidente Parlamentu Nasional, Prezidente Tribunal Rekursu (PTR) no tuir Mai eis Prezidente republika, Jose Ramos Horta, inklui Ofisial Koordenadór SIJK, Rui Maria de Araujo, no Amu Bispo Metropolitano Dioseze Dili, Dom Vergilo do Carmo da Silva, Membru governu sira ikus liu médiku nomós komunidade balun.(*)
