Deputadu Bankada CNRT, Leandro Lobato hatete, orsamentu ne’ebé hanaran orsamentu kada programa iha proposta OJE 2021 ho monatante billaun US$1.8, hetan aprovasaun iha Parlamentu Nasional iha loron 12 fulan-dezembru tinan 2020.
"Bankada CNRT haree katak orsamentu por programa hela ba retórika polítika de’it, tanba to’o ohin loron laiha programa ida mak la’o”, dehN nia liuhusi deklarasaun polítika iha plenariu PN, tersa (06/04).
Aleinde Pakote Rekuperasaun Ekonómika ne’ebé lansa ho objetivu atu rekupera ekonomia la hatudu rezultadu, hetok halo susar liután kompaña sira ne’ebé ezekuta programa ida ne’e, tanba to’o ohin loron kompaña fornesedor barak mak seidauk simu nia direitu ba pagamentu.
Iha situasaun ne'e, Governu mós konpromete hela de’it, katak atu halo pagamantu ba kompaña sira, maibé realidade aban ba fali semana oin, semana oin ba fali fulan oin, halo emprezáriu sira hela de’it ho promesa.
“Enkuantu sira-nia tusan ba banku mós nia funan aumenta ba beibeik”, hatete nia.
Ne'e duni husu ba governu atu realiza ona programa, liliu loke sentru negósiu no komersiál sira, atu nune’e roda ekonomia bele la’o hikas, povu bele fila liman, oportunidade ba kampu traballu nomós konfiansa husi setór privadu.
Nune'e kontinua aplika medida rigorozu kona-ba protokolu no regra Organizasaun Saúde Munidal hodi prevene no kombate pandemia Covid-19.
"Husu atu Sentru Kuarentena no Izolamentu tenke funsiona nafatin, labele admite halo konsentrasaun ema barak ne’ebé bele provoka alargamentu transmisaun komunitáriu”, dehan nia.(*)
