Tanba, Covid-19 ne’ebé akontese iha Timor-Leste, dadaun ne’e hamate ona ema na’in-ida no ema na’in-30 resin mak mate ba dezastre iha TL inklui estaga infraestrutura públiku.

Nune’e, Xefe Govenu husu ba komunidade inklui parseiru internasional iha Timor-Leste, hamutuk hodi buka solusaun ba covid-19 aliende tau matan ba sidadaun afetadu sira.

"Purtantu Timor-Leste la enfrenta de'it covid, mais enfrenta mós dezastre naturál. Iha momentu ida ne'e ha’u hakarak apela ba parseiru internasionál sira ne’ebé iha Timor-Leste, ba komunidade tomak atu hamutuk, haketak diferensia hotu. Tanba, laiha ema ida no politiku ida atu hetan vantajen ba dezastre ne’ebé afeta Timor-Leste”, dehan nia hafoin hala'o lansamentu ba vasinasaun AstraZeneca iha Sentru Saúde Formosa, kuarta (07/04).

Ho situasaun atual ne’ebé iha, governu prontu oferese-an, maske laiha primeiru ministru, prezidente parlamentu nasionál, nomós laiha prezidente Repúblika atu halo konpetensaun ba ida ne'e, tanba agora la'ós nia tempu.

"La'ós tempu para ita atu halo kompetisaun, tempu para ita hotu fó soliridade, fò respeitu ba ita-nia mate sira, no sofrimentu povu nian, para ke ita fó ita-nia kbi’it tomak no servisu ba sira”, afirm nia.

Wainhira ema no polítiku ida mak aproveita situasaun sira hanesan ne'e ba halo vantajen politika, hatudu katak, nia baixa-an no hatun nia-mak demais no timir la presiza ida ne'e.

Ho ida ne'e, Xefe governu hakarak fó hanoin ba timoroan hothotu, tenke banati tuir istoriku Timor -Leste nian, tenke fó sira-nia aan, halo salva guarda ba vida sidadaun sira-nian.(*)