Regra prevensaun Covid-19 ne'ebe fó husi Organizasun Mundial Saúde (OMS) nian mak mantein, fase liman, distansiamentu sosial, no uza máskra wainhira la'o sai.
"Ita haree ba situasaun serka sanitária, governu atu estende tan ba semana ida, maibé ita-nia komunidade sira agora sira-nia sirkulasaun fila hikas ba normal, maibé nu’udar parlamentu husu nafatin atu halo nusa para komunidade hotu, bele koopera nafatin ho ita-nia saúde para kumpre nafatin regra”, dehan nia iha PN, kinta (08/04).
Wainhira sidadaun sira hatudu komportamentu di’ak, hodi kumpre regra hirak ne'e hatudu bele kontribui ona halakon virus Covid-19 iha nasaun Timor-Leste.
Deputadu bankada CNRT, Leandro Lobato husu ba governu atu loke hikas sentru negósiu no komersiál sira, atu nune’e roda ekonomia bele la’o.
Maibé kontinua aplika medida rigorozu kona-ba protokolu no regra Organizasaun Saúde Munidal hodi prevene no kombate pandemia Covid-19.
Aleinde husu mós ba Sentru Kuarentina no Izolamentu tenke funsiona nafatin, labele admite halo konsentrasaun ema barak ne’ebé bele provoka alargamentu transmisaun komunitáriu. (*)
