PM Orienta MOP no ADN Mobiliza Kompaña Reabilita Estrada Besik Embaixada Japaun

Estrada prinsipal besik Embaixada Japaun iha Aitarak Laran Dili Estrada prinsipal besik Embaixada Japaun iha Aitarak Laran Dili Foto Suplai

Tempotimor (Dili) - Primeiru Ministru (PM), Taur Matan Ruak, orienta Ministériu Obras Públika (MOP) no Ajensia Dezenvolvimentu Nasional (ADN) atu mobikiza kompaña hodi realista estrada ne’ebé mini iha Embaixada Japaun nia oin.

Hafoin Primeiru-Ministru Taur Matan Ruak sábadu fim de semana ne’e, halo tiha observasaun ba fatin afetadu husi kalamidade loron 4 fukan-abril semana kotuk iha Dili laran.

Tanba ne’e, konvoka reuniaun ida ho Vise Primeiru Ministru no Ministru Planu Ordenamentu, José Reis no Ministru Obras Públika, Salvador Pires, iha salaun Ministériu Finansas, Ai-tarak Laran, hodi buka hatene progresu prosesu levantamentu, partikularmente ba estrada diresaun Praia dos coqueiros ne’ebé monu iha Embaixada Japaun nia oin.

“Iha reuniaun ne'e, Xefe Governu orienta tékniku MOP no ADN sira atu prosesa lalais levantamentu, se di’ak liután loron ida ka rua oin mai, indika ona Kompaña hodi mobiliza ekipamentu pezadas hodi bele halo ona reabilitasaun emerjensia ba estrada refere, tanba estrada ne’e tama iha kategoria dalan protokolu ne’ebé presija normaliza lalais”,dehan karta Komunikadu ne’ebé www.tempotimor.com asesu husi Gabinete PM iha loron sábadu (10/04).

Maibé, tékniku sira afirma, dezeñu prontu ona no dadaun ne’e iha hela verifikasaun ADN nian, no hein katak iha loron ida ka rua tan bele ona implementa.

“Tékniku MOP mós esplika se kompaña indikadu iha kapasidade no volume serbisu di’ak iha kaer obra, garante to'o semana ida estrada refere bele ona normaliza fali ho fui alkatraun”, dehan.

Xefe Governu husu atu indika kompaña ne’ebé iha kapasidade finanseira no material nune'e bele kaer obra ho di'ak. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter