"Aviaun ne'ebé atu mak ne'e ita-nia NGO, parseiru sira husi Austrália ho Ita-nia alin sira iha Austrália ne'ebé mak ajuda mai, sira charter aviaun ida ajudu umanitária. Sasán kahur, sasán ba apoiu covid nian no mós ba dezastre nian”, dehan Joaquim iha Aeroportu Internasional Prezidente Nicolau Lobato Komoro, Dili, segunda (12/04).

Antes ne'e Governu Japaum mak ajuda no dadaun ne'e, governu simu tan apiu umanitaria husi timoroan ne'ebé durante ne'e servisu nu'udar Sesional Worker iha Austrália inklui ONG husi Austrália ne'ebé tau hamutuk ajudu sira ne'e transporta mai Timor-Leste.

"Fundus laiha, ita mai iha ne'e para simu de’it sasán ba covid nian hanesan máskra sira, ne'e hanesan apoiu umanitária liuhusi NGO, kolega maun-alin sira iha ne'ebá, nune'e mós apoiu hahán balun mai ita-nia vítima inundasaun ne'e”, dehan Joaquim.

Apoiu ne’e, tanba kahor ho ekipamentu covid entaun ajudu umanitária sira ne'e sei provizóriumente asesura iha SAMES antes haketak hodi distribui ba vítima inundasaun.

Antes ne'e liuhusi SEPs, Governu Timor-Leste simu ona apoiu umanitária husi nasaun hanesan Xina ne'ebé ajuda osan hamutuk rihun US$106 no rihun US$100 ba WFP, inklui Estadu Unidu Amerika (EUA) hamutuk rihun US$100atravez IOM, Austrália inklui nasaun seluk ne'ebé maioria ajudu hahán.(*)