Ministru Adminitrasaun Estatal, Miguel Pereira de Carvalho hatete, fatin sira ne'ebé mak Ministériu husu Xefe Suku sira atu halo identifikasaun ba komunidade sira ne’ebé hela iha fatin ba Dezastre Naturál.

Komunidade sira ne'ebé hela besik iha tasi ninin, besik iha lagoa aldeia 12 Outubru, Suku Komoro nian, mota Maloa, área kulu-hun, nomós mota Hera besik Naval

"Ha'u mós informa ba (Primeiru Ministru), kona-ba servisu ida ne'ebé MAE halo hela hodi identifika populasaun sira ne'ebé mak hela iha área sira risku ba dezastre naturál ne'ebé liuhusi rezolusaun governu ne'ebé mak inkerdita ema sira ne'e labele filafali ba fatin sira ne'ebé risku”, dehan nia hafoin sorumutu ho Primeiru Ministru, Taur Matan Ruak iha rezidénsia Farol, tersa (27/04).

Kuandu Xefe aldeia sira identifika hotu ona haruka mai MAE hodi dadus ne'e uza hanesan informasaun bázika ba governu atu trasa planu espesifiku ba populasaun sira.

Nune'e, MAE liuhusi autóridade lokál sira identifika ona populasaun ne'ebé hela iha área risku dezastre naturál.

"Wainhira iha ona dadus sira ne'e, bele trasa planu espesifiku ida ba ema sira ne'e, por que sira labele fila ba sira-nia fatin", akresenta nia. (*)