Tempotimor (Dili)-Deputadu Bankada Parlamentár, Frente Revolusionáriu Timor-Leste no Independente (FRETILIN) ejize governu liuhusi Ministériu Transporte no Komunikasaun (MTK) atubele transporta filafali estudante sira iha Dili ba Munisípiu.

Deputadu David Dias Ximenes ''Madanti" hatete, nia parte simu lamentasaun husi família sira iha Suai, kona-bá sira-nia oan ne’ebé falta ba hahán iha Dili.

"Atu dehan de'it katak horseik simu telefone ida husi suai, maluk sira ne’ebé sira-nia oan estuda iha ne'e, lamenta katak, hahán ba sira-nia oan sira mak falta, karik bele ministru ou governu providensia transporte para haruka sira fila”, hatete nia, iha plenária PN, segunda (17/05).

Ho ida ne'e, Deputada bankada CNRT, Maria Fernanda Lai, mós apoiu saida mak bankada FRETILIN hato'o, tanba orsamentu atu responde ba ida ne'e Parlamentu Nasionál aprova ona.

"Ha’u apoiu saida mak bankada Fretilin hato'o, los tanba sa mak haknauk, orsamentu aprovadu, saida mak problema tán”, afirma nia. (*)