"Ne'e la'os osan boot, 50 dólar mós la to'o tán, 40 dólar oan ne'e ohin ha'u fo fali US$,400 dólar, ba señora deputada bele fó fali mós la buat ida, ha'u prontu fó, agora de'it ha’u tur iha ne'e, ha’u prontu fó filafali, halo moe ita deputadu sira”, dehan deputada Olinda iha plenária PN, segunda (17/05).
Nune’e, husu ba deputadu sira hotu atu labele vota afavor ba kazu ne'e. Tanba, kazu kombustivel, ne'e hanesan kazu ki'ik ida, ne’ebé tuir lolos la merese atu lori ba tribunal.
"Ha’u orsida vota kontra, ha’u lakoi para gara-gara 40 dólar, deputada ba hatudu oin iha tribunal. Kazu ida hanesan ne'e tanba saida mak tenke lori ba tribunal, halo moe ita deputada sira”, afirma nia.
Maibé, deputada ne'e deskonfia kazu ne'e lalais de'it hetan prosesu tanba sistema judisiáriu ne’ebé agora dadauk la'o, la imparsiál ona.
Ho ida ne'e, Deputadu bankada Partidu Libertasaun Popular (PLP), Abel Pires, konsidera kazu kombustível ne'ebé dadauk deputada Maria Anabela Sávio atu ba hatan ne'e, tuir lolos la'os urjénsia.
Pozisaun bankada PLP hakarak fó komentáriu ba kazu ne'e tanba kazu ne'e la'os kazu boot.
"Kazu ne'e ki'ik oan, envolve osan ne’ebé la to'o dólar atus-ida (US$,100) karik, ne'e prosesu prosedimentu la'o lalais fali mais ida be kazu ne’ebé envolve osan boot-boot sira ne'e ita lahatene to'o iha ne'ebé”, hatete nia.
Mesmu nune'e, Parlamentu Nasional (PN) iha loron segunda (17/05), deside aprova ona imunidade ba deputada Maria Anabela Sávio ho votu afavor, 50. (*)