Tanba, iha komemorasaun nasionál sira, Prezidente Repúblika, ho nia poder konstitusionál sira no tuir proposta husi Governu, bele fó indultu no komutasaun pena ba prizioneiru sira.
Prezidente Repúblika simu pedidu indultu hamutuk neennulu-resin-ida (61) maibé prosesu barak inkompletu ka la kumpre rekizitu obrigatóriu husi Lei 5/2016.
"Haree ba artigu 85 Konstituisaun RDTL no lei númeru 5/2016, lei konsesaun indultu no komutasaun pena, iha loron ita selebra Restaurasaun Independénsia, Prezidente Repúblika bele fó de’it indultu ba prizioneiru na'in-6”, dehan Prezidente Repúblika Lú Olo iha Palásiu Prezidensiál Bairopite, kinta (20/05)
Tanba ne’e, iha loron kinta (20/05) deside odomatan kadeia nian loke ba prizioneiru indultadu sira ne’e.
"Ita hein katak sira sei integra filafali iha sira-nia família, sosiedade no hothotu sei simu ho di’ak”, afirma PR Lú Olo. (*)