Deputadu KHUNTO, António Verdial hatete, nudar deputadu lamenta kazu agresaun fíziku ne'ebe komete husi oknum PNTL sira, hasoru vendedor.
“Hanesan deputadu, husu ba PDHJ, KAK, no Ministériu Públiku, no autoridade administrativa, espesialmente ba oitavu governu, tenke iha vontade polítika, hodi foti asaun rigorozu ba hahalok bandalizmu, husi oknum PNTL. Ne'ebe hatudu sira-nia atu bandalizmu no viral tebes iha facebook”, afirma nia iha plenaria PN, segunda (24/05).
Iha sorin seluk, Deputada Bankada CNRT, Veneranda Lemos deklara, atu membru PNTL la'os de’it baku ema ne'ebé hala'o negósiu ki'ik iha Tasiolu, maibé sira baku mós funsionáriu ida ne'ebé lori motorizada ba ofisina.
Tanba ne'e, husu ba governu liliu entidade hanesan PDHJ, atu bele tau atensaun ba membru PNTL ne'ebé halo atuasaun no baku ema. (*)