"Konsellu ministru mós ohin (26/05) aprova estensaun ba konfinamentu domisiliáriu jerál ba populasaun Munisípiu Dili. Entaun ida ne'e sei extende, maibé ho alterasaun ki’ik ida, sei permite atividade relijióza sira iha munisipiu Dili”, deklara Ministru Prezidénsia Konsellu Ministru (MPKM), Fidélis Leite Magalhães hafoin reuniaun KM iha Ministériu Finansas, kuarta (26/05).

Maibé, governu mós husu ba líder relijióza sira atu asegura implementasaun ba regra sira saúde nian, bainhira hala’o atividade.

“Governu anota no fó expressa sesaun ba informasaun ne'ebé mak governu simu husi ita-nia Arkebispo Dili (Dom Virgílio do Carmo da Silva) ne'ebé hato'o katak, Dioseze Dili bainhira halo rezume hikas atividade relijióza sira, sei aumenta númeru missa sira-nian atu nune'e, kada missa sei sarani ne'ebé reduzidu, tanba númeru missa mak sei aumenta halo barak”, dehan nia.

Entretantu, reuniaun Konsellu Ministru ne'e, lidera husi Vise dahuluk, Primeiru Ministru (PM), José Maria dos Reis, nu'udár ministru ba planu no ordenamentu territórial, iha Salaun Kay Rala Xanana Gusmăo, MF, Ai-tarak Laran. (*)