Asesor Polítika Prezidente Repúblika, Rigorio Sousa hatete, iha semana kotuk Prezidente Repúblika simu pedidu husi governu atu aprova tan estadu Emerjénsia.
"Ohin reuniaun rua entre Konsellu Superior Defeza Seguransa (KSDS) ho Konsellu Estadu (KE) deside para renova tan estadu Emerjénsia agora, maibé kona-ba medida implementa ne'e governu mak sei diside”, dehan nia hafoin Reuniaun iha palásiu prezidensiál Bairopite, kuarta (26/05)
Maibé, medida governu mak sei hola, tanba komortensia husi governu.
"Ami sei hakaas-an para ohin lori ba Parlamentu Nasionál depois sesta mak sira diskute", afirma nia.
Iha fatin hanesan, Diretór Ezektivu Forum Organizasaun Naun Governamental Timor Leste (FONGTIL), Daniel Santos do Carmo hatete, nesesidade duni estadu Emerjénsia tanba Timor-Leste iha kalamidade nune'e iha konstitusaun mós ko'alia kona-ba ida ne'e.
"Hanoin katak nesesidade duni atu halo estensaun ba estadu Emerjénsia”, dehan nia.
Iha reuniaun Konsellu Superior Defeza Seguransa (KSDS) no Konsellu Estadu (KE) la bele iha tan estadu Emerjénsia, serka sanitariu obrigatória, maibé unik dalan ida mak tenke aselera vasina.
"Ita preokupa ho kapasidade Ministériu nian atu jere vasina liuliu oinsá atu sensibiliza ita-nia komunidade sira oinsá atu partisipa iha vasina”, afirma nia. (*)
