Ho ida ne’e, Deputada Olinda asina ona karta orientasaun hodi izola-an iha rejidénsia Hera Munisípiu Dili, durante loron 10, atu prevene hada'et infensaun covid-19 ba ema seluk.
Tanba, rezultadu teste swab ne’ebé simu husi parte médiku iha loron (27/05) katak, dadauk Parlamentu Nasionál iha na'in-tolu mak infetadu tan pozitivu covid-19 inklui deputada olinda.
"Tanba ne'e, izolamentu ba ha’u ne'e, 10 dias, konforme ha’u simu orientasaun mak ne'e, hotu tiha, sira sei mai teste buat ida laiha ona entaun sira fó tan 14 dias ba ha’u”, dehan nia ba www.tempotimo.com liuhusi telefone, sesta (28/05).
Dadauk parte médiku sira seidauk ba atende deputada Olinda iha nia rejidénsia Hera, tanba karta foin haruka ba Ministeriu Saúde iha loron (27/05).
Maske hetan ona autorizasaun hodi izola-an iha nia rejidénsia tanba iha ne’ebé sufisiente.
“Ami-nia ne'e kuartu kompletu ne’ebé agora auto kurante iha uma de'it”, dehan nia. (*)
