“Kampaña ne'e ho atu partilla informasaun kona-ba importánsia husi vasinasaun Covid-19 hodi enkoraja no konsensializa komunidade atu tuir vasinasaun nune'e bele prevene propagasaun vírus mortál ne'e”, dehan Ministru Francisco Martins iha Maubara, áabadu (12/06).

Vasinasaun Covid-19 ne'e importante tanba bele hasa'e imunidade komunidade nian, hodi prevene infesaun moras kontajioza ne'e.

“Komúnidade sira presiza simu vasinasaun ne'e, tanba vasinasaun ne'e bele hasa'e imunidade komunidade nian, hodi prevene infesaun moras kontajioza”, afirma nia.

Maibé husu ba komunidade sira iha postu Maubara atu labele fiar informasaun ne'ebé espalla husi identidade falsa iha mídia sosiál ho intensaun atu estraga ema nia konsiénsia no hatauk ema tuir vasina covid-19.

Iha fatin hanesan,Administradór postu Maubara, Domingos Alves Correia, apresia no agradese MAPKOMS tanba hakat to'o iha sira-nia fatin hodi fahe informasaun kona-ba prevensaun Covid-19 liuhosi vasinasaun.

“Agradese no orgullu tebes tanba bele marka ona prezensa iha ami-nia fatin hodi espalla ona informasaun balun kona-ba vasinasaun Covid-19 ba komunidade sira”, dehan nia. (*)